Bergarako Udala

Bergarako Udalak jakinarazi du udal zerga eta tasen kobrantza kanpaina berriak abian direla, zehazki panteoien tasa, kutxazainen okupazio-tasa, merkatu txikiko tasa eta merkatuko tasa ordaintzeko epeak zabalik daudela.

Panteoien tasari eta kutxazainen okupazio-tasari dagokienez, 2026ko maiatzaren 29tik uztailaren 30era bitartean izango da ordainketa egiteko epea. Bestalde, merkatuko eta merkatu txikiko tasaren kasuan, 2026ko bigarren hiruhilekoari dagokion ordainketa epea ekainaren 12tik abuztuaren 14ra arte egongo da irekita.

Bergarako Udalak jakinarazi duenez, ekainaren 29tik uztailaren 3ra bitartean obrak egingo dira Iriburu kaleko errepideko azken aldapan. Zehazki, bertan dauden bi estolda zulo ordezkatuko dira, mantentze eta segurtasun lanen barruan.

Lanen ondorioz, eta bai langileen bai herritarren segurtasuna bermatzeko, aipatutako tartean ibilgailuen zirkulazioa erabat etenda egongo da egun horietan.

Bergarako Udalak jakinarazi duenez, ostegun honetan hasiko dira udalerriko hainbat gunetan aurreikusita dauden asfaltatze lanak, kale eta azpiegituren egoera hobetzeko helburuarekin.

Asfaltatze lanak honako gune hauetan egingo dira:
• Ibarra kaleko zubitik Ibarra kaleko gasolindegira arteko tartean.
• Osintxuko zubi berritik Osintxuko iturrira bitartean.
• Iraburu kaleko bukaerako aldapan.

Behin asfaltatze lanak amaituta, dagokion pintaketa egingo da, bide segurtasuna eta seinaleztapena egoki bermatzeko.

Bergarako helduen Danborrada irailaren 15ean ospatuko da, asteartean, gaueko 22:30ean, Udal biltegitik abiatuta. Parte hartu nahi duten taldeek uztailaren 15a baino lehen eman beharko dute izena.

Izen-emateko baldintzak:

·      Taldearen izena, kide kopurua, danborra ala barrika joko duten eta zuzendariaren kontaktua (izen-abizenak eta telefonoa) udaletxera jakinarazi behar dira.

·      Talde berriek izena emateko mezua bidali behar dute helbide honetara: gazteria@bergara.eus.

Bergarako Udalak 2026ko udarako bi musika ziklo aurkeztu ditu: Berumuga eta Usondoko kontzertuak. Bi egitasmoek askotariko estiloak eta kalitatezko proposamen musikalak ekarriko dituzte herrira, uztaila osoan zehar, aire libreko kulturgintza indartzeko helburuarekin.

Berumuga: musika beltza eta nazioarteko doinuak Espoloian

Bestalde, Berumuga zikloak lau kontzertu ekarriko ditu uztaileko ostiraletan, 22:00etan, Espoloian:

Bergarako Udalak 2026ko San Martin feriari begirako deialdiak jarri ditu abian, Oxirondo plazan egingo den azokako elikagaien salmenta-postuak eta odoloste dastaketa txosnaren ustiapena adjudikatzeko.

Sute arrisku handia eta tenperatura altuak direla medio, Udalak neurri bereziak hartu ditu San Juan jaietan segurtasuna bermatzeko. Indarrean dagoen alerta horiaren testuinguruan, udal ordezkariek adierazi dute debekatuta egongo direla auzo eta baserrietan piztu ohi diren suak, Seminarioko patioan eta Osintxuko plazan antolatutakoak izan ezik. Hauen kasuan tamaina murriztu egingo da.

Halaber, guztiz debekatu da piroteknia erabiltzea; horren barruan sartzen dira txafleroak, petardoak, bengalak eta sua duten edozein elementu, arrisku handikoak direlako egoera honetan.

Askagain edo Iturriberri parkean dagoen kantina edo zerbitzu eraikinaren erabilera eta ustiaketarako deialdi publikoa ireki du Bergarako Udalak. Lizitazio honen helburua espazio hori 3 urtez kudeatzea da.

Deialdi honen alderdi nabarmenen artean, honako puntu hauek daude:

Eusko Jaurlaritzak astelehen honetan, ekainaren 22an, alarma gorria aktibatuko du Euskadin muturreko tenperatura altuengatik, lurralde osoari eragingo dion bero-gertakari oso bizi baten aurreikuspenaren aurrean.

Alarma gorria 12:00etatik 20:00etara egongo da indarrean; tarte horretan, tenperatura maximoak 37 ºC ingurukoak izan daitezke kostaldean, 40 ºC ingurukoak Kantauri isurialdeko barnealdean, 39 ºC ingurukoak trantsizio-eremuan eta 40 ºC ingurukoak Ebro ardatzean.

Bergarako Udalak 2026ko San Martzial jaietarako kantina eta txosnaren ustiapena esleitzeko deialdiaren zozketa burutu du.

Deialdi honen helburua izan da San Martzialgo zelaian kokatuko diren kantina eta txosnaren kudeaketa esleitzea. Interesa zuten eragileek informazio eta baldintza guztiak eskuragarri izan dituzte udalaren webguneko dagokion atalean (Kultura, euskara eta kirolaren sustapena – Jaiak eta ikuskizunak – San Martzialgo zelaiko kantinaren eta txosnaren ustiapena).

Egindako zozketaren ondoren, behin-behineko esleipenen zerrenda honakoa da: