RSS jarioa

Abuztuan zehar TAO zerbitzua etengo du Bergarako Udalak

-k Og, 2026-07-30 09:38-n bidalia

Abuztuan zehar, urtero bezala, Bergarako Udalak TAO zerbitzua etengo du. Horrek herrigunean aparkatzeko dauden ordu-mugak ezabatzen ditu, eta, aldi berean, zenbait egoera berri sortzen ditu, esaterako, autoen egonaldi luzeak herriguneko zenbait puntutan.

Guztiekiko begirunez jokatu asmoz, denbora luzez geldi egotea aurreikusten diren autoak hilerriko eta azokako aparkalekuetan uztera gonbidatu nahi ditu herritarrak, modu horretan abuztuan herriguneko aparkalekuak erabili asmo dituzten herritarrei herrigunean aparkatzea erraztuz.

  • Partekatu:

Iraburu kale bukaerako aldaparen asfaltatze lanak egingo dira abuztuaren 4an

-k Og, 2026-07-30 09:37-n bidalia

Bergarako Udalak jakinarazi nahi du asfaltatze lanekin jarraituz, abuztuaren 4an Iraburu kale bukaerako aldapa asfaltatuko dela. Lan horiek behar bezala gauzatu ahal izateko, Koldo Elizalde kaleko aparkalekuen alde bat guztiz libre utzi beharko da, zehazki Koldo Elizalde 3 zenbakitik errotondaraino. Neurri hori ezinbestekoa izango da lanetan erabiliko den makinaria aldaparen azpialdeko gunera iritsi ahal izateko.

Era berean, Iraburu kalean ere hainbat aparkaleku libratuko dira, bertako bizilagunen ibilgailuen zirkulazioa bermatzeko, aurreko esku hartzeetan egin den moduan.

  • Partekatu:

Orriak