webmaster-k Or, 2026-07-24 10:00-n bidalia
Bergarako Udalak Urteagako bidegorriaren 5. fasea garatzeko lanei bultzada berria eman die. Izan ere, kontratazio prozesuan, Construcciones Zubieder SL enpresaren proposamena onartu du Udalak lehiaketa publikoan. 143.333,91 euroko eskaintza ekonomikoa egin du (BEZik gabe).
webmaster-k Og, 2026-07-23 13:35-n bidalia
Jasangarritasuneko diputatu José Ignacio Asensiok, Antzuolako alkate Olatz Lezetarekin eta Bergarako alkate Gorka Artolarekin batera, bi udalerriak lotzen dituen bidegorriaren zati berria inauguratu du gaur, Debagoienean mugikortasun jasangarria eta oinez eta bizikletaz egindako joan-etorrien segurtasuna hobetzen dituen azpiegitura.
webmaster-k Og, 2026-07-23 11:20-n bidalia
San Martin plaza berritzeko lanak direla eta, Bergarako Udalak hainbat bilera egin ditu azken asteotan herriko eragileekin eta udaleko sail ezberdinetako langileekin, aurtengo San Martin jaien antolaketa eta kokaguneak aztertzeko. Helburua izan da jaietako jarduera nagusiei jarraipena ematea, betiere segurtasuna, irisgarritasuna eta jai giroa bermatuz.
Azterketa horien ondorioz, aurten jaietako ekitaldi nagusien erreferentziazko gunea Oxirondo izango da, Pentekoste jaietan egin bezala.
webmaster-k Og, 2026-07-23 11:11-n bidalia
Uztailaren 25a, larunbata, jai eguna dela eta, aste honetako Oxirondoko azoka ostiralean egingo da, uztailaren 24an.
Horrela, ohiko larunbateko azokaren ordez, baserritarren produktuen salmenta eta gainerako azoka jarduera guztiak ostiralera aurreratuko dira.
webmaster-k Az, 2026-07-22 09:27-n bidalia
Bergarako Udala Ibarrako ur hornidurako sarearen zati bat berritzen ari da egunotan. Zehazki, Ozaeta kaleko 7. atariaren ingurutik Ibarra kaleko aparkalekuetaraino doan hoditeria aldatzen ari da udaleko Ur Zerbitzuetako saila.
Lan honen helburua da urte asko dituen azpiegitura berritzea eta ur horniduraren sarea eguneratzea. Horrela, zerbitzuaren fidagarritasuna hobetu eta etorkizunean sor litezkeen matxurak saihestu nahi dira.
webmaster-k Ar, 2026-07-21 09:28-n bidalia
Bergarako Udalak hasierako onarpena eman dio asteleheneko osoko bilkuran ikasleei zuzendutako “Bergara Bizi” bonu-laguntza arautzen duen udal ordenantzaren aldaketari. 2021ean martxan jarritako programa hau urtero banatu da ikasturte hasieran, irailetik urrira bitartean, eta helburu bikoitza izan du: baliabide ekonomiko urrienak dituzten familiei ikasturte hasierako gastuei aurre egiten laguntzea eta, aldi berean, udalaren ekarpen ekonomikoa Bergarako merkataritzan geratzea, tokiko garapena sustatuz.
webmaster-k Al, 2026-07-20 09:37-n bidalia
Bergarako Udaleko Euskara Zerbitzuak hiru dirulaguntza mota emango ditu 2025-2026 ikasturtean edota 2026ko udan euskara ikasteko edota ikasketa osagarriak euskaraz egin dituztenentzako:
- Bergarako Udal Euskaltegitik kanpo euskara ikasten duten bergararrentzako dirulaguntza. Beste euskaltegi batean edo barnetegian ikasten dutenentzako laguntza da, izan ere Bergarako euskaltegian ikasten dutenentzako laguntzak euskaltegitik bertatik ematen baitira.
- Udako Euskal Unibertsitateak (UEUk) antolatutako ikastaroetan parte hartu duten bergararrentzako dirulaguntza.
webmaster-k Al, 2026-07-20 09:22-n bidalia
Bergarako Udalak jakinarazten du Bidekurutzeta 14 eraikinean egiten ari diren obrak direla eta, astelehenetik aurrera, uztailaren 20tik, Osteta eta Ikerlekuko kantoiak oinezkoentzako itxita egongo direla. Segurtasun arrazoiengatik hartutako neurri honen ondorioz, bi kantoiak ezin izango dira erabili lanek irauten duten bitartean.
webmaster-k Ig, 2026-07-19 13:31-n bidalia
Euskal Herri osoko herri erakundeetako ordezkariak eta 200 bat herritako alkate eta zinegotzik bat egin dute gaur Bergaran, Foruen abolizioaren 150. eta Alkateen Mugimenduaren 50. urteurrenak oroitzeko egindako ekitaldi politiko-instituzionalean. Bandera eta tokiko ikurren, hitzaren, dantzaren eta musikaren bitartez, bertaratu diren herri ordezkariek euskal lurraldeen eskubide historikoak aldarrikatu dituzte eta “subiranotasun eremuak gaur egunera eta etorkizunera proiektatzen jarraitzeko” konpromisoa hartu dute.
webmaster-k Or, 2026-07-17 14:51-n bidalia
Unai Azkarate bergararraren Gure paisaia eraikitzaileak collage-serieko bost lan oroigarri jasoko dituzte Alkateen Mugimenduan parte hartu zuten bost alkate ohiek igandean Bergaran Foruen abolizioaren 150. urteurrena eta Alkateen Mugimenduaren 50. Urteurrena gogorarazteko ospatuko den ekitaldi instituzionalean, herrigintzaren, memoriaren eta konpromiso kolektiboaren aitortza gisa.
