RSS jarioa

Agorrosingo igerilekua urtarrilaren 24an irekiko da, behin obrak bukatuta

-k Or, 2026-01-16 13:26-n bidalia

Agorrosingo igerilekuko teilatua berritzeko lanak amaitzear daude, eta, ondorioz, urtarrilaren 24tik aurrera instalazioko barruko igeritoki biak berriro zabalik izango dira ohiko zerbitzuarekin.

Lan horien azken fasea behar bezala burutu ahal izateko, urtarrilaren 22an eta 23an (osteguna eta ostirala) igerileku txikia itxita egongo da.

Urtarrilaren 24tik aurrera, berriz, erabiltzaile bakoitzaren kuotari dagokion zerbitzu arrunta berreskuratuko da.

  • Partekatu:

'Ongizatearen Plaza' Bergaran, ongizate integralari erantzuteko jardunaldia

-k Og, 2026-01-15 11:50-n bidalia

Gipuzkoako diputatu nagusiak, Eider Mendoza Larrañagak, eta Bergarako alkateak, Gorka Artola Alberdik, Ongizatearen Plaza ireki dute ostegun honetan Bergarako Seminarixoan. Goiz eta arratsalde, ongizate integralaren inguruko hainbat solasaldi, mahai-inguru eta jarduera parte hartzaile hartuko ditu Foru Aldundiak antolatutako espazio berritzaile honek. Hala nola, zahartzaro osasuntsua, ariketa fisikoa, buru osasuna, inklusioa, elikadura jasangarria eta teknoadikzioa izango dituzte aztergai eta mintzagai datozen bi egunotan.

  • Partekatu:

‘Txillarreko sukaldaria’ dokumentalaren emanaldia eta solasaldia Bergaran, urtarrilaren 20ean

-k Ar, 2026-01-13 09:23-n bidalia

Elgoibarko Txillarre baserria izan zen Euskal Herriko azken hamarkadetako mugarri historiko baten agertokia: ETAren jardun armatuari amaiera emango zion prozesuaren abiapuntua. Testuinguru horretan kokatzen da Txillarreko sukaldaria dokumentala, pertsona jakin baten bizipenetatik abiatuta memoria historikoa, elkarrizketa eta giza harremanak ardatz dituen lana.

Dokumentala eta ondorengo solasaldia urtarrilaren 20ean, asteartean, ospatuko da Seminarixoan, arratsaldeko zazpietatik aurrera.

  • Partekatu:

Labainkadak sahiesteko tratamendua aplikatuko du Udalak datorren astelehenean

-k Or, 2026-01-09 10:42-n bidalia

Datorren astelehenean, urtarrilaren 12an, Bergarako hainbat espaloitan ez labaintzeko tratamendua emango da, oinezkoen segurtasuna hobetzeko helburuarekin. Lanak enpresa espezializatu batek egingo ditu, eta gaueko ordutegian gauzatuko dira, eguneroko erabilerari ahalik eta eragin txikiena egiteko.

  • Partekatu:

Orriak