RSS jarioa

Euskal Herriko bost otxote Bergarako II. Otxote Topaketan

-k Az, 2026-10-21 16:29-n bidalia

Bergara euskal folklorearen gune bilakatuko da igandean, urriak 25. Alai Berri Abesbatzak antolatuta eta Bergarako Udalaren nahiz tokiko hainbat eragileren laguntzaz, II. Otxote Topaketa ospatuko da. Ekimen honen helburu nagusiak otxoteen arteko loturak estutzea, euskal folklorearen transmisioa bultzatzea eta lau ahotsetarako kantugintzaren aberastasuna herriko kale nahiz auzoetara hurbiltzea dira.

  • Partekatu:

Bergarako Udalak Andoni Calbano, Mikel Aristi eta Nerea Agirrezabal omendu ditu

-k Ar, 2026-10-20 18:11-n bidalia

Bergarako Udaletxean harrera-ekitaldia egin zaie herriko hiru kirolariri, azken hilabeteetan lortutako garaipenak eta izandako kirol-ibilbidea aitortzeko asmoz. Ekitaldian Andoni Calbano atleta, Mikel Aristi txirrindularia eta Nerea Agirrezabal arraunlaria omendu dituzte, herritarren eta senideen aurrean.

Udal ordezkariek azpimarratu dutenez, harrera honekin herriko kirolarien ahalegina, sakrifizioa eta konstantzia jarri nahi izan dituzte balioan, baita kirol minorizatuetan jarduten dutenen lana aitortu ere.

  • Partekatu:

Bergarako Udalak Angeluko emakumearen hilketa matxista gaitzesten du.

-k Al, 2026-10-19 08:15-n bidalia

Halaber, biktimaren senitarteko eta adiskideei elkartasun osoa adierazi nahi die. Bestetik, indarkeria matxistaren azken kasu hau salatzeko egingo diren mobilizazioekin bat egiten du eta gaur, urriak 19, 19:00etan Bule kalean egingo den elkarretaratzean parte hartzeko deia luzatzen die herritarrei.

  • Partekatu:

Agorrosin eta udal eraikinen garbitzaile lanpostuetarako sei langile kontratatuko ditu Udalak

-k Or, 2026-10-16 10:27-n bidalia

Udalak lehiaketa-oposizio irekia deitu du Agorrosin eta udal eraikinetan garbitzaile lanetan aritzeko sei langile kontratatzeko. Kontratua finkoa eta lan-jardun partzialekoa izango da. Lanpostuak E sailkapen-mailako ofizioen langileriaren klasekoak dira. B1 mailakoa hizkuntza-eskakizuna, baina ez da derrigorrezkoa.

  • Partekatu:

Bergarak Urteagako bidegorriaren bosgarren faseko obrak hasi ditu

-k Az, 2026-10-07 13:41-n bidalia

Bergarako Udalak astelehen honetan hasi ditu Urteagako bidegorriari jarraipena emateko bosgarren faseko obrak. Jarduketa Urteaga kalearen amaieratik, laugarren fasea amaitzen den puntutik, Urteaga industrialdeko sarreraraino egingo da. Proiektuak, horrela, inguru horretako bidegorri sareari jarraipena emateko beste urrats bat ekarriko du.

Lanak Construcciones Zubieder SL enpresari adjudikatu zaizkio, 173.434,03 euroko aurrekontuarekin, BEZa barne, eta enpresak aurkeztutako eskaintzaren arabera, lau hilabeteko epea izango dute obrek.

  • Partekatu:

OXIRONDO AZOKAN DATOZEN EKITALDIAK

-k Ar, 2026-10-06 13:02-n bidalia

Duela bi urte ireki zituen ateak Elikaeneak Bergaran, Oxirondo azoka biziberritzeko asmoz. Lehen urteko harrera ona berretsi ondoren, bigarren ikasturte honek proiektua egonkortzen ari dela erakutsi du: sortutako dinamikak finkatu egin dira, Elikaeneako azpiegitura bailarako elikadura sistemaren tresna bihurtu da, eta egindako ibilbideak berak argitu ditu datozen urteetako urratsak eta indartu beharrekoak.

Azoka, ekoizleen ahots eta herritarren topaleku

  • Partekatu:

Orriak