RSS jarioa

Zabalik dago Bergarako Udal Euskaltegiko aurrematrikula egiteko epea

-k Ar, 2026-07-14 10:19-n bidalia

Bergarako Udal Euskaltegiak 2026-2027 ikasturterako aurrematrikulazio epea zabalik duela jakinarazi nahi du. Euskara ikasi, hobetu edo egunerokoan gehiago erabili nahi duten herritar guztiek uztailaren 17ra arte izango dute izena emateko aukera.

Aurrematrikula hainbat bideren bidez egin daiteke:
• Aurrez aurre, Bergarako Udal Euskaltegian (09:00etatik 16:00etara).
• Telefonoz, 943 76 44 53 zenbakira deituta.
• Posta elektronikoz, euskaltegia@bergara.eus helbidera idatzita.

  • Partekatu:

Udalak Pentekosteen jaien inguruko balorazio positiboa egin du eragileekin bildu eta gero

-k Ar, 2026-07-14 10:00-n bidalia

Bergarako Udalak balorazio positiboa egin du aurtengo Pentekosteen jaien inguruan. Aurten, San Martin plazako obrek eragindako lekualdaketek erronka berezia ekarri dute antolakuntzan, baina udalaren ustez, herritarren, eragileen eta elkarteen inplikazioari esker jaiak arrakastaz garatu dira.

  • Partekatu:

Artzamendi kaleko ezponda garbitzeko eta sasitza kentzeko lanak hasi dira

-k Ar, 2026-07-14 09:44-n bidalia

Bergarako Udalak Artzamendi kalean, 1etik 21era bitarteko atarien parean dagoen ezpondaren garbiketa eta sasitza kentzeko lanak hasi dituela jakinarazi du. Zehazki, mendira ematen duen atzealdean esku hartuko da, goiko trenbidera doan bidearen azpialdean eta aisialdirako gunearen azpialdean dagoen eremuan.

  • Partekatu:

Euskal Herri osoko alkate eta udal ordezkariak elkartuko ditu igandean Bergaran Foruen abolizioaren 150. eta Alkateen Mugimenduaren 50. urteurrenak oroitzeko ekitaldiak

-k Al, 2026-07-13 09:59-n bidalia

Euskal Herri osoko 200 herri baino gehiagotako alkate eta udal ordezkarik bat egingo dute Bergaran datorren igande goizean, hilaren 19an, Foruen abolizioaren 150. eta Alkateen Mugimenduaren 50. urteurrenak oroitzeko egingo den ekitaldi politiko-instituzionalean. Bergarako Udala eta Gipuzkoako Foru Aldundia elkarlanean ari dira antolatzen hitzordu garrantzitsu hori, zeinak karga sinboliko handia izango duen, iragana, oraina eta etorkizuna lotuz hitzen, musikaren eta dantzaren bitartez.

  • Partekatu:

Ernai kalea itxiko da uztailaren 14tik 17ra bitartean, inguruko obrak direla eta

-k Or, 2026-07-10 13:41-n bidalia

Amillaga 2ko lursailean egiten ari dien obrak direla eta, Ernai kalea itxita egongo da uztailaren 14tik 17ra. Egoiliarren eta zamalanen joan-etorriak bermatzeko, Ernai kalea bi noranzkoetan habilitatuko da, Antziturri aldetik sartu eta irten ahal izateko.

Obrek eragingo duten itxiera biribilgunetik Helmuga kafetegirainoko tartea izango da, eta bertatik ibilgailuak atera beharko dira.

  • Partekatu:

Orriak