RSS jarioa

Bizikletak prest jartzeko tailer ibiltaria Bergaran, Mugikortasun Astearen baitan

-k Al, 2026-09-21 09:22-n bidalia

Irailaren 24an, bergararrek Irala-Irizar kalean izango dute bizikletak doan prest jartzeko aukera, 16:00etatik 20:00etara bitartean. Parte hartzaileek, gainera, bi bizikleta eta MUGI txartelerako 20 euroko 60 birkarga irabazteko zozketan parte hartu ahal izango dute.

Ekimenaren helburua bizikletaren erabilera sustatzea da, eguneroko joan-etorrietarako mugikortasun aukera gisa. Hala, herritarrek beren bizikleta tailer ibiltarira eraman eta doan prest jartzeko aukera izango dute.

  • Partekatu:

Matrikulazioa zabalik Bergarako Udal Euskaltegian

-k Or, 2026-09-18 10:57-n bidalia

Irailaren 28ra arte zabalik izango da izena emateko epea Bergarako Udal Euskaltegian. Urtero bezala, ikastaro eskaintza zabala dute euskara ikasi edota hobetu nahi duten 16 urtetik gorako guztientzat.

Maila guztietako taldeak izaten dira (A1etik C2ra), goizez nahiz arratsaldez, titulua ateratzeko edota besterik gabe norberaren euskara hobetzeko: berbetan erraztasuna hartzeko, irakurketa lantzeko, pixka bat idazten hasteko...

Autoikaskuntza ikastaroak ere badituzte; hartara, astean behin euskaltegira joanda ikasleak aukera du bere martxan, etxean, ikasteko.

  • Partekatu:

Zine denboraldia abian Seminarixoan

-k Og, 2026-09-17 13:23-n bidalia

Udako geldialdiaren ostean, irailaren 20an hasiko da zinema denboraldia Seminarixoan.
• Igande eta astelehenetan helduen zinea, 19:30etan, 5€ (astelehentan 4€, ikuslearen eguna)
• Igandetan haurren zinea, 17:00etan, 4€
• Asteazkenetan ZinemaOnen eskutik zinekluba, 20:00etan, 3€. Jatorrizko bertsioan azpitituluekin.

Iraileko sarrerak salgai daude asteazkenero, 18:00-20:00 bitartean, Seminarixoko leihatilan eta online. Urriko sarrerak salgai egongo dira irailaren 23tik aurrera.

  • Partekatu:

Bergarako Emakumeentzako Jabekuntza Eskolak urritik abendura bitarteko programazioa aurkeztu du

-k Og, 2026-09-17 13:14-n bidalia

Bergarako Udalak 2026-2027 ikasturteko Emakumeentzako Jabekuntza Eskolaren urritik abendura bitarteko egitaraua aurkeztu du. Doako jardueren bidez, emakumeen ahalduntzea, partehartzea, saretzea eta ongizatea sustatzea izango da helburua.

Aurtengo udazkeneko programak askotariko tailerrak, urte osoko ekintzak eta bi ikuskizun bildu ditu. Emakumeek interesa duten arlo desberdinak lantzeko aukera izango dute, hala nola gorputzaren zaintza, sormena, komunikazioa, komunitatearen eraikuntza, kultura eta ongizate emozionala.

  • Partekatu:

Bergarako Udalak mendi eta lorezaintza lanetatik ateratako egurra doan emango die herritarrei

-k Og, 2026-09-17 08:53-n bidalia

Bergarako Udalak deialdia zabaldu du udal mendi, baso, parke eta lorategietako inausketa eta mozketa lanetatik aterako den egurra doan banatzeko. Egur kantitatearen arabera loteetan banatuko da, eta zozketan ateratako lehentasun hurrenkeraren arabera esleituko zaie interesa duten herritarrei.

Bergaran erroldatutako pertsona fisikoek zein irabazi asmorik gabeko eta Bergaran egoitza duten pertsona juridikoek aurkeztu ahal izango dute eskaera. Zozketan lehentasuna izango dute pertsona fisikoek.

  • Partekatu:

Osakidetzak lekuz aldatuko ditu Bergarako osasun zentroko emaginaren, ginekologiako, errehabilitazioko eta fisioterapiako kontsultak, eraberritzeko obrak direla eta

-k Al, 2026-09-14 19:56-n bidalia

Bergarako Osasun Zentroa berritzeko obrak direla eta, datorren astelehenetik (irailak 14) aurrera Ibargarai hiribidera lekualdatuko dira emaginaren, ginekologiako, errehabilitazioko eta fisioterapiako kontsultak, Miguel Altuna eskolako tailer zaharrera. Obrak gutxi gorabehera 28 hilabetez egingo dira, bata bestearen ondoren, jardueraren zati handi bat oraingo lekuan egiten jarraitzeko.

  • Partekatu:

Trafiko mozketa ezberdinak ezarriko dira San Martin jaietan

-k Or, 2026-09-11 02:14-n bidalia

Bergarako Udalak jakinarazi du San Martin jaiak direla eta hainbat trafiko mozketa egingo direla herrian, eta horrek eragina izango duela garraio publikoaren zerbitzuan. Hori dela eta, garraio enpresei ibilbideak eta geldialdiak egokitzeko eskatu die.

Trafiko mozketek honako epeetan izango dute eragina:

  • Partekatu:

Orriak