webmaster-k Ar, 2025-05-27 10:28-n bidalia
Asteleheneko osoko bilkuran 2030 urtera arteko Jarduera Fisikoa eta Kirolaren arloko Plan Estrategikoa onartu du Bergarako Udalak, herriko jarduera fisikoa eta kirolaren arloko ibilbide orria ezarriko duen dokumentua. Plan hau aurreko bi plan estrategikoen jarraipena da, baina berritasun ugari dakartza egungo testuinguruari erantzuteko eta etorkizuneko erronkei aurre egiteko.
webmaster-k Al, 2025-05-26 16:26-n bidalia
Bergarako Udalak, herriko farmaziekin eta osasun etxearekin elkarlanean, Babesgune Klimatikoak izeneko ekimena aurkeztu du, klima aldaketaren eraginez gero eta ohikoagoak diren bero bolada muturrei aurre egiteko. Ekimen honen helburu nagusia bergararren ongizatea eta osasuna bermatzea da, bereziki haurrak, adinekoak eta osasun arazoak dituzten pertsonak babesteko.
webmaster-k Al, 2025-05-26 12:03-n bidalia
Bergarako ikastetxe guztietako ikasle ordezkariak elkartu dira gaur Udaletxeko Areto Nagusian, Eskolako Agenda 2030 programaren baitan antolatutako Udal Foroan.
webmaster-k Or, 2025-05-23 15:40-n bidalia
Bergarako Txoko Feminista sortzeko prozesuak laugarren saioa egingo du maiatzaren 30ean. Oraingoan, eztabaidagai izango da zein gobernantza eta partaidetza eredu nahi den etorkizuneko etxerako. Saioa maiatzaren 30ean izango da, ostirala, 18:00etatik 20:30era, Udaletxeko Pleno Aretoan.
webmaster-k Or, 2025-05-23 10:56-n bidalia
Abian da aurtengo Pentekoste jaietako hainbat ekintzetan izena emateko epea.
Informazio guztia hemen:
· Ihes Gela: https://bergara.eus/eu/node/20625
· Mokoloblok: https://bergara.eus/eu/node/20624
· Bakailao Lehiaketa: https://bergara.eus/eu/node/20620
Ekintza hauetan parte hartu nahi dutenek ekainaren 1a baino lehen eman beharko dute izena. Lekuak mugatuak dira, beraz, gomendagarria da izena lehenbailehen ematea.
webmaster-k Og, 2025-05-22 09:28-n bidalia
Bergarako Udalak hautaketa prozesua jarri du martxan Kultura Teknikari laguntzailea hautatzeko.
Prozesua arautuko duten oinarria arautzaileak web orrian argitaratu dira, eta beste batzuen artean, parte hartzeko beteekizunak izango dira Diplomatura, gradua edo lizentziatura titulazio akademikoa izatea eta 4. hizkuntza eskakizunari dagokion euskara-maila izatea.
Bergarako Udala-k Az, 2025-05-21 12:24-n bidalia
Bergarako Udalak eta Ndank Ndank elkarteak lankidetza-hitzarmen berria sinatu dute, Bergaran kulturartekotasuna eta bizikidetza positiboa sustatzeko helburuarekin. Hitzarmenak urte osoko iraupena izango du, eta elkarteak garatuko dituen jarduerak ekonomikoki babesteko 15.000 euroko dirulaguntza zuzena jasotzen da bertan.
