RSS jarioa

Elikadura burujabetzaren “kataiari helduz” hainbat jardunaldi aurkeztu ditu Bergarako Elikadura Mahaiak

-k Ar, 2023-11-14 08:35-n bidalia

Azken urteetako bideari jarraipena emanez, elikadura burujabetzan urratsak eman eta herri mailan elkarlanean arlo ezberdinei erantzuteko proiektuak garatzen ari gara Bergarako Elikadura Mahaian. Sentsibilizazioari dagokion lan-ildoan datozen hilabeteak oparoak izango ditugu. Elikadura mahaia osatzen dugun kideek (Bergarako Udala, Deba Garaia Debagoieneko Landa Garapenerako Elkartea, Ereindajan, Ehundu, Eskubaratz) “Elikadura burujabetzan kataiari helduz” jardunaldiak aurkezten ditugu.

  • Partekatu:

Ibargarai kale ondoko zubia itxiko da astelehen eta astearte gauean, hobekuntza lanak egiteko

-k Or, 2023-11-10 11:31-n bidalia

Astelehen eta astearte gauean Ibargarai kale ondoko –barianteko herriko sarrera/irteera– bidegurutzea itxiko da, Bergarako Udala herriko toki ezberdinetan garatzen ari den asfaltatze lanen ondorioz. Lan hauen bitartez, gune horretako asfalto guztia aldatuko da, egoera txarrean baitago.

  • Partekatu:

Bergarako Udalak Saioa Galarraga eta Julen Murgiondo dantzariak omendu ditu

-k Og, 2023-11-09 20:23-n bidalia

Saioa Galarraga Pardina eta Julen Murgiondo Izagirre dantzari bergararrak Euskal Herriko dantza txapeldunak izan ziren urrian Seguran ospatutako txalpeketan. 2019ko eta 2022ko lehiaketak irabazi ostean, aurtengoa hirugarren aldia izan da txapelketa berbera irabazten dutela. Bost urtetan hiru txapelketa irabazteari esker, saria ordezkatzen duen eskultura Bergaran geratuko da betirako.

  • Partekatu:

Georges Lacomberen artxiboari eta bibliotekari buruzko erakusketa ikusgai, Bergarako Olaso Dorrean

-k Og, 2023-11-09 10:49-n bidalia

Euskaltzaindiak, Olaso Dorrea Fundazioak eta Bergarako Udalak erakusketa mamitsua aurkeztu dute gaur Bergaran. Bertan, George Lacombe hizkuntzalari eta euskaltzain osoaren agiritegi eta blibliotekari buruzko jakingarriak ematen dira, 10 paneletan banaturik; horrez gain, bi beira-arasa jarri dira, dokumentu eta liburu jakin batzuk erakusteko. Erakusketa abenduaren 1era arte izango da ikusgai, Bergarako Alde Zaharrean dagoen Olaso Dorrean.

  • Partekatu:

Lizarrako haurraren erailketa arbuiatu du Bergarako Udalak

-k Og, 2023-11-09 07:49-n bidalia

Lizarran gertatu den haur baten erailketa matxista arbuiatu du Bergarako Udalak. Halaber, biktimaren senitarteko eta adiskideei elkartasun osoa adierazi nahi die. Bestetik, indarkeria matxistaren azken kasu hau salatzeko egingo diren mobilizazioekin bat egiten du eta Martxanterak talde feministak deituta, gaur, azaroak 9, osteguna, 18:30ean, San Martin plazan egingo den elkarretaratzean parte hartzeko deia luzatzen die herritarrei.

  • Partekatu:

Artolak “jakintza ‘plazara’ jaisteko beharra” aldarrikatu du Bergarako ZTBren irekiera ekitaldian

-k Az, 2023-11-08 10:47-n bidalia

Gorka Artola Bergarako alkateak hasiera eman die asteazken honetan Zientzia, Teknologia eta Berrikuntza (ZTB) jardunaldiei, Seminarixoan ospatutako ekitaldi publiko batean. Izan ere, azaroaren 17ra bitartean bergararrei zein kanpotik datoztenei diziplina ezberdinetan oinarritutako 20 jarduera baino gehiago eskainiko dizkie ZTBren bederatzigarren edizioak.

  • Partekatu:

Orriak