webmaster-k Og, 2025-12-04 10:12-n bidalia
Laboratorium Museoa hamargarren urteurrenaren ospakizunen amaierara iristear da. Hilabete honen azken egunarekin batera itxiko du museoak bere lehen hamarkadaren existentzia. Programazioak baina ez du etenik.
webmaster-k Og, 2025-12-04 09:53-n bidalia
Datorren abenduaren 9an, asteartea, Seminarixoan “Transmisioa” dokumentala eskainiko da Olentzeroren Lagunak elkartearen eskutik. Saioa 18:30ean hasiko da, eta dokumentalaren ondoren, elkarteko kide batek proiektuaren inguruko azalpenak emango ditu eta solasaldia irekiko da.
webmaster-k Az, 2025-12-03 09:52-n bidalia
Bergarako merkatarien elkarteak, Bedelkarrek, Gabonetako kanpaina berezia jarri du martxan herriko kaleak girotzeko eta erosketak sustatzeko helburuarekin. Kanpainak hainbat jarduera eta sari banaketa izango ditu abenduaren 9tik urtarrilaren 5era bitartean.
webmaster-k Az, 2025-12-03 09:34-n bidalia
Bergarako Udalak hautaketa prozesua jarri du martxan Udal eraikinetako garbiketa-premiei erantzuteko garbitzaileen lan-poltsa osatzeko.
Prozesua arautuko duten oinarria arautzaileak web orrian argitaratu dira, eta beste batzuen artean, parte hartzeko betekizunak izango dira eskola graduatua titulua edo Lanbide Heziketako erdi mailako teknikari edo hortik gorako titulazioa izatea.
webmaster-k Az, 2025-12-03 09:19-n bidalia
Euskarak bide luzea egin du.
Luzeena, agian, Europa zaharrean.
Eta hala ere, bere bidea ez da amaitu: bizirik dirau, hazi eta berritzen ari da.
Zein da sekretua?
Zein indar, zein ilusio izan da gure hizkuntza gaur arte ekarri duena?
Milaka urte, milaka pertsona, milaka amets eta ahalegin.
Norbanakoen indar isilak, belaunaldiz belaunaldi, gure hizkuntza zaharra gazte bihurtu du.
webmaster-k Al, 2025-12-01 11:32-n bidalia
Bergarako Udalak San Martin Agirre plaza eta haren ingurua berrurbanizatzeko obrak lizitazio publikora atera ditu 2.196.66,20 euroren truke (BEZ barne), eta lanak 2026ko udaberrian hasteko asmoa adierazi du, Barrenkaleko lanak bukatutakoan. Legegintzaldi Planaren barruan dauden lan hauen bitartez, espazioaren kalitatea hobetu eta plazaren izaera historikoari eutsiko zaio, eguneroko topaleku eta jai ospakizunetarako gune gisa indartuz.
webmaster-k Al, 2025-12-01 11:20-n bidalia
Asteartean, abenduaren 2an, Bergarako Udalak Boluko ezpondan desbrozatze eta zuhaitz mozketa lanak hasiko ditu. Lanak Kimu Bat enpresak egingo ditu, lan teknikoa eta konplexua delako eta horregatik kanpoko espezializazioaren beharra dagoelako. Halako mantentze lanak bost urtetik behin egiten dira.
Lanek bizpahiru aste iraungo dute. Zuhaitzak moztu ondoren, moztutako adarrak eta zuhaixkak ezpondan utziko dira egun batzuetan, karga arintzeko eta ondoren goiko trenbidera errazago ateratzeko. Materiala kentzeko lanak kamioi grua baten laguntzaz egingo dira.
webmaster-k Al, 2025-12-01 09:27-n bidalia
11 gomendio biltzen dituen dokumentua aurkeztu dio 50 herritarrez osatutako batzarrak Argitzen deliberazio prozesua sustatu duen 18 eragilek osatutako Mandatu Organoari.
Bertan, besteak beste, instalazio fotovoltaikoen kudeaketaren prozesu guztian zerbitzu integrala eskaintzea eta herritarren iritzi eta ekarpenak erdigunean dituen prozesuen bidez energia berriztagarrien azpiegiturak aztertzea proposatu dute. Baita Debagoieneko autoaren mugikortasun alternatiborako sarea sortzea eta Debagoieneko ibilgailu publikoen elektrifikazioa lortzea ere. (Gomendio guztiak, eranskinean).
