RSS jarioa

Haurren Jai Batzordea deitu du Bergarako Udalak martxoaren 11rako

-k Or, 2026-03-06 16:24-n bidalia

Bergarako Udalak azaldu du martxoaren 11n, 17:00etan, Haurren Jai Batzordearen bilera egingo dela udaletxean. Aurtengo deialdia 2016 eta 2015 urteetan jaiotako haurrei zuzenduta dago.

Bileraren helburua da Pentekoste jaietan haurrei zuzendutako ekintzak eurekin batera aztertu eta erabakitzea. Horrela, umeek izango dute jaietako programazioan parte hartzeko eta euren ikuspegia eta proposamenak ekartzeko aukera.

  • Partekatu:

Martxoak 8 - Emakumeen Nazioarteko Egunaren adierazpen instituzionala

-k Or, 2026-03-06 10:10-n bidalia

Martxoaren 8an, Emakumeen Nazioarteko Egunean, emakumeen eta gizonen arteko berdintasun erreal eta eraginkorrarekin dugun konpromisoa irmoki berresten dugu. Printzipio demokratiko hori ukaezina da, eta gizarte justu, aske eta kohesionatu baten funtsezko zutabea.

Gaur, ahotsa irmo altxatzen dugu berdintasuna defendatzeko eta aldarrikatzeko, bere diskurtsoa zokoratzen eta zalantzan jartzen ari baita komunikabideetan, sare sozialetan eta, modu kezkagarrian, giza harremanetarako eguneroko espazioetan.

  • Partekatu:

2026ko Monzon-Ganuza sari banaketa martxoaren 10ean ospatuko da Bergaran

-k Or, 2026-03-06 10:06-n bidalia

Bergarako Udalak eta Olaso Dorrea Fundazioak jakinarazi dutenez, datorren martxoaren 10ean, asteartea, 18:30ean, egingo da 2026ko Monzon-Ganuza, Euskal Utopikoei Sariaren banaketa ekitaldi irekia, Bergarako Seminarixoan.
Aurtengo sariduna Miguel Castells Artetxe (Busturia, 1931) abokatua izango da. Monzon-Ganuza sariak Telesforo Monzon eta Maria Josefa Ganuza omendu nahi ditu, “askatasunaren aldeko borrokan elkarrekin egindako ibilbideagatik”. Antolatzaileen esanetan, “utopia ez da helmuga bat, baizik eta egunero bidean jarraitzera bultzatzen gaituen horizontea”.

  • Partekatu:

Bergarako Udalak ongi etorri ekitaldia antolatu du herrira heldu berri diren bizilagunentzat

-k Az, 2026-03-04 11:07-n bidalia

Bergarara 2025ean bizitzera etorri diren herritarrei ongi etorri ekitaldi bat antolatu die Bergarako Udalak larunbat honetan, martxoaren 7an. Topaketa goizeko 11:00etan, udaletxeko pleno aretoan. Horretarako, bergarar berriek gonbidapen gutun bat jaso dute azken asteetan beren etxeetan.

  • Partekatu:

Korrika Kulturalak ekitaldi ugari ekarriko ditu martxoaren 7an

-k Az, 2026-03-04 09:41-n bidalia

Bergarako Korrika Kulturalaren programazioak kultur eskaintza zabala eskainiko du larunbat honetan, martxoaren 7an, dantza, musika eta literatura uztartzen dituen egitarauarekin. Jarduerak herriko hainbat gunetan egingo dira, publiko guztientzat pentsatuta.

12:00 – Euskal dantzen ikuskizuna
Goizean, Moisez Aspiazu dantza taldeak euskal dantzen ikuskizuna eskainiko du udal pilotalekuan. Tradizioa eta gaztetasuna uztartuko dituen emanaldia izango da, eta herritarrei dantza eta kultur transmisioaren indarra erakustea du helburu.

  • Partekatu:

Orriak