RSS jarioa

Herriko biodibertsitatearen aldeko hainbat neurri hartu ditu Bergarako Udalak

-k Ar, 2025-07-22 11:19-n bidalia

2024-2027 legegintzaldi planaren baitan, Bergarako Udalak herritarren ongizatea, elkarbizitza eta ingurumenarekiko harremana sustatzeko konpromisoa hartu du. Plan horren barruan, 50 imajinazio arnasgune aktibatu eta birpentsatzeko helburua ezarri da, lasaitasuna, elkar ezagutza, alaitasuna, irribarrea, euskara eta ongizatea ardatz hartuta. Horren harira, azken hilabeteetan herriko biodibertsitatea sustatzeko hainbat neurri hartu ditu Bergarako Udalak herriko txoko ezberdinetan.

  • Partekatu:

Bergara eta Antzuola arteko bidegorriaren laugarren faseari ekingo dio Udalak uda ostean

-k Og, 2025-07-17 10:53-n bidalia

Bergarako Udalak Antzuola eta Bergara arteko bidegorriaren hedapenarekin jarraitzen du, udalerriko mugikortasun jasangarriaren aldeko estrategiaren barruan. Laugarren fase honetan, San Antonioko biribilgunetik Urteaga kalearen urbanizazioaren amaierarainoko zatia eraikiko da, oinezko eta txirrindularientzako espazio seguruago eta irisgarriagoak sortuz.

  • Partekatu:

Bergara, igerilekuetan ‘Nagi Tag’ segurtasun sistema ezartzen duen EAEko lehen herria

-k Az, 2025-07-16 12:43-n bidalia

Bergarako Udaleko Kirol Sailak Nagi sistema berritzailea ezarri du Agorrosingo udal igerilekuan, igerilarien segurtasuna eta esperientzia hobetzeko helburuarekin. Sistema honek teknologia aurreratua baliatzen du erabiltzaileak soroslearekin denbora errealean konektatzeko, eta aldi berean igeriketa jardueraren inguruko datu zehatzak eskaintzen ditu.

Sistema hau ezartzeak igerilekuaren segurtasuna nabarmen handitzen du, eta premia bereziak dituzten pertsonentzat ere egokituta dago, igeriketa inklusiboago baten aldeko urrats gisa.

  • Partekatu:

Bergarako Udalak eta Hizkuntza Eskubideen Behatokiak elkarlanerako hitzarmena sinatu dute

-k Ar, 2025-07-15 13:35-n bidalia

Bergarako Udalak eta Hizkuntza Eskubideen Behatokiak lankidetza-hitzarmen bat sinatu dute, hizkuntza eskubideen defentsa eta herritarren kontzientziazioa indartzeko helburuarekin. Akordio honen bidez, bi erakundeek elkarrekin jardungo dute euskararen erabilera bermatzeko eta herritarren hizkuntza eskubideak errespetatuak izan daitezen sustatzeko.

  • Partekatu:

Orriak