RSS jarioa

Bergarako Udalak 2025-2029 aldirako baratze publikoak kudeatzeko baimenak eskatzeko deialdia ireki du

-k Al, 2025-11-03 10:53-n bidalia

Bergarako Udalak bigarren deialdia jarri du martxan Baratze Parkeko aisialdiko baratze ekologikoak erabiltzeko baimenak eskatzeko. Deialdi honen bidez, herritarrek aukera izango dute San Joxepe inguruko lur publikoetan kokatutako baratze ekologikoak erabiltzeko baimena eskuratzeko, gehienez 2029ko abenduaren 31ra arte.

Baratze Parkeak 96 lursail erabilgarri ditu, bakoitza 30 eta 50 m² artekoa. Gainerako azalera erabilera komunitariorako izango da, hala nola lanabes etxola, ureztatzeko putzuak, konpost guneak eta bideak.

  • Partekatu:

Algaraka bueltan da, formatu berrian

-k Or, 2025-10-31 10:37-n bidalia

Jardun Euskara Elkarteak, Goiena Komunikazio Taldeak eta Bergarako Udalak elkarlanean antolatu dute Algaraka Bakarrizketa Gaua, abenduaren 19an Bergarako Seminarixoan ospatuko den ekitaldia. Euskarazko ahozkotasuna, umorea eta sormena sustatzeko helburuarekin jaio zen Algaraka proiektuak bigarren edizioa izango du aurten, eta berrikuntzekin dator. Formatu lehiakorra alde batera utzita, oraingoan bakarrizketen gau handi bat izango da.

  • Partekatu:

Euskaraz berba egiteko 'Berriketan' egitasmoa jarri dute martxan Bergaran

-k Az, 2025-10-29 11:49-n bidalia

Euskara modu ludikoan praktikatzeko aukera eskaini nahi du BERRIKETAN egitasmoak, Bergaran. Jardun euskara elkarteak, Bergarako Udalaren eta Udal Euskaltegiaren laguntzarekin, berriz martxan jarri du ekimena, euskaraz berba egiteko zailtasunak dituztenei laguntzeko asmoz.

Egitasmoaren helburua da euskaraz natural berba egiten dutenak eta euskara ikasten ari direnak edo berreskuratu nahi dutenak elkartzea, eta astean behin ordubeteko berriketa-saio informalak izatea. Taldeak 3-4 lagunek osatzen dituzte, eta ez dira klaseak, baizik eta euskaraz berba egiteko taldeak.

  • Partekatu:

Hasi da ZTB, teknologia kuantikoa hizpide hartuta

-k Az, 2025-10-29 10:28-n bidalia

Asteazken honetan Seminarixoan eskainitako teknologia kuantikoaren inguruko mahai-inguru batekin eman diote hasiera aurtengo Zientzia, Teknologia eta Berrikuntza (ZTB) jardunaldiei Bergaran. Guztira, dozena bat ekitaldi inguruk osatuko dute egitaraua, aipaturiko teknologia kuantikoan oinarrituta.

Ekitaldian, Gorka Artola Bergarako alkateaz eta Rosa Errazkin Laboratorium Museoko zuzendariaz gain, Juan Ignacio Pérez Iglesias, Eusko Jaurlaritzako Zientzia, Unibertsitate eta Berrikuntza sailburuak hartu du parte.

  • Partekatu:

Orriak