Albisteak

10 linea arrunt ditu eskualdeak, eskaripeko 2 eta gauetako beste 2. Garraio publikoaren eskaria baxua da eskualdean, eta zerbitzu berrien bidez bultzada berezia eman nahi izan zaio, eskualde barneko loturez gain, hiriburuekiko lotura hobetuz. Eskualdeko zerbitzu berrituaren ezaugarri nagusiak ondorengoak dira:

Emakume Langilearen Nazioarteko Eguna ospatzeko, martxoaren 8aren bueltan ekintza ezberdinak antolatu dira herrian:

MARTXOAK 2ra arte

ARGAZKI LEHIAKETA

Lan a(u)nitz, aurpegi a(u)nitz…guztien errekonozimendu eta ikusgarritasunerantz” lelopean.

Antolatzailea. Martxanterak: herriko talde feministak antolatuta

MARTXOAK 3

HITZALDIA

“Eskoziako herrialdeak erabakitzeko eskubidearen eta independentziaren inguruan bizitako prozesua emakumeen aldetik”

Ostiralean, otsailak 27, 18:00tik aurrera Oxirondoko Aisialdi Gunea inauguratuko da.

Azoka Bergaratzen egitasmoaren baitan, aisialdi gunearen inguruko hausnarketa burutu zen eta bertan herriko hezitzaile eta gurasoek hainbat bileretan parte hartu zuten. Hausnarketa honen ondorio nagusia gune honek bi espazio bereizita eduki behar zituela izan zen: batetik, ludoteka eta, bestetik, gune librea. Lehenengoan, hezitzaileekin aisialdi gidatua eskainiko da eta gune librean, aldiz, haurrek eta gurasoek elkarrekin espazioa konpartitzeko aukera izango dute.  

Gaur, asteazkena, arratsaldeko 18:00etan Oxirondoko Aisialdi Gunean Carlos Alonso psikologoak zuzenduta, Haur Literaturaren eragina haurraren garapenean hitzaldia eskainiko da. Hitzaldia guraso eta hezitzaileei zuzendua dago eta bertan literaturaren ahalmen psikologiko, garapen intelektualak, hizkuntza garapena, garapen emozionala eta ahozkotasunaren eraginak aztertuko dira. 

Pasa den igandean ospatu zen otsaileko Domeka Azokak eguraldi txarrari aurre egin zion. Guztira, 30 postutik gora elkartu ziren Udaletxe eta Errege Mintegiko arkupeetan. 2. eskuko materiala, artisauak, bitxikeriak, aintzinako objetuak…aukera paregabea kontsumo eredua aldatu eta beste aukera batzuk martxan jartzeko!

Eskerrik asko postua jarri zenuten guztioi eta baita eguraldi eskasari aurre egin eta Domeka Azoka ikustera hurbildu zineten guztioi!!!

Azkenik, gogoratu apirilaren 19an hurrengo Domeka Azoka izango dela!

Euskarak azken aldian jasan dituen erasoak salatzeko, Kontseiluak deituta manifestazioa egingo da otsailak 28an Oztopoen gainetik euskaraz biziko gara  lelopean Donostian.

Mobilizazioaren helburua hizkuntza-politiketan azken aldian Estatuen zein Nafarroako Gobernuaren bidez jasandako “injerentziak” salatzea eta hainbat administrazioetako arduradunek aurrera egiteko hartu duten determinazioa txalotzea da.

Elkartrukea, berrerabilera eta artisautza sustatzeko merkatua da Domeka Azoka. Bertan, 2. eskuko materiala saltzen dutenek postuak jartzen dituzte eta, era berean, artisau batzuk ere izaten dira beraien produktuak saltzen. Otsaileko azokan, guztira, 34 postu egongo dira.

Eguna: Otsailak 22, igandea

Lekua: San Martin Plaza (euria egiten badu, arkupeetan)

Ordua: 11:00etatik 14:00etara

Lorezainek aste honetan hasi eta datorren asteetan zehar ez ohiko lanak egingo dituzte herriko zenbait kale eta guneetan.

Kutxa Ekoguneak bultzatu eta Bergarako Udala batu zen “Ontziratu zaitez” kanpaina eraginkorra izaten ari da herrian eta emaitza politak ari da lortzen. Pasa den urteko urrian abian jarri zen “Otziratu zaitez” eta  lau hilabetetan 9.099 aldiz erabili zituzten tuperrak kanpainan parte hartzen ari diren bergarako bizilagunek.

Produktu freskoen saltokietan, batez ere, arrandegietan eta harategietan erabiltzeko, 3.000 ontzi banatu ziren eguneroko erosketetarako eta, era horretan, paper eta plastikozko bilgarrian erabilera murrizteko.

Erabilera datuak

Bergarako musikazale talde batekoek eta Udalak martxoan ikusgai izango den "Mozkorra Parregarri" (“El Borracho Burlado”) opera komikoa antolatu dute. Sarrerak internetez erosteko egin klik hemen (Internet bidez sarrerak otsailak 18tik aurrera erosi ahalko dira). 

Era berean, emanaldietarako sarrerak salgai egongo dira Kultur Etxean, Pikuperen bulegoan, Lazkano eta Lombide oinetako dendetan eta interneten www.bergara.eus helbidean.