Albisteak

Bergarako Udalak San Martin jaietako sokamuturra udaletxeko balkoitik ikusteko aukera eskainiko du irailaren 16an, 9:00etatik 10:15era bitartean. Horretarako zozketa bat egin du izena eman dutenen artean. 

Hauek izan dira zozketaren irabazleak:

Bergarako Udalak, Berdintasun Sailaren bidez, 2025eko udazkenean abiatuko du berriro Emakumeentzako Jabekuntza Eskola, urriaren eta abenduaren artean. Ekimen honek emakumeen ahalduntzea, elkartasuna eta ikuspegi feminista sustatzea du helburu, eta horretarako hainbat tailer, solasaldi eta antzezlan eskainiko dira.

Jarduera guztiak doakoak izango dira eta hainbat hizkuntzatan eskainiko dira: euskaraz, gaztelaniaz, frantsesez eta arabieraz.

Tailerrak

Duela urtebete ireki zen Elikaenea Bergaran, Oxirondo azoka biziberritzeko asmoz. Urte honetan zehar, herritarren harrera oso positiboa izan da, bai kontsumo aldetik, bai sortu diren aukera berriengatik. Herri-proiektu honek bertako elikadura sistemak indartzea eta herritarren, ekoizleen zein merkatarien beharrei erantzutea du helburu.

Elikaeneak elikadura arloko etorkizuneko erronkei heltzeko bide berriak zabaldu ditu. Kontsumo ohituren aldaketak kontuan hartuta, kontsumitzaile eta ekoizleen arteko zubi lana eta koordinazioa funtsezkoak izan dira egitasmoaren garapenean.

Bergarako udalerriko zergapekoei jakinarazten dizuegu Merkatu eta Merkatu Txikia tasen 2025eko hirugarren hiruhileko ordainagiriak ordaintzeko epea, lekuak eta medioak ondokoak direla:

Epea:

•  2025eko irailaren 12tik 2025eko azaroaren 14ra

Lekuak eta medioak:

Bergarako Udala eta Debagoieneko Mankomunitatea elkarlanean ari dira Mugikortasun Astea ospatzeko, garraio jasangarriaren aldeko kontzientzia pizteko helburuarekin.

Debagoieneko datuek erakusten dute kotxe-mugimenduen %75 bailara barruko joan-etorrietarako izaten dela, eta horrek garraio alternatiboen erabilera sustatzeko beharra azpimarratzen du.

Bergarako Udalak energia berriztagarrien aldeko apustua berretsi du, eta hurrengo asteetan hasiko dira udal eraikinetan bost instalazio fotovoltaiko berri jartzeko lanak.

Instalazioak honako eraikinetan egingo dira:

·      Labegaraieta kiroldegia

·      Martinez de Irala eraikina

·      Oxirondo azoka

·      Angiozar udal-frontoia

·      Osintxu udal-frontoia

Bergarako Udala dagoeneko hasi da 2026ko Udal Egutegia prestatzen, eta urtero bezala, herritarren argazkiak izango dira egutegia osatuko dutenak. Aurtengoan gaia librea izango da, parte hartzaileek nahi duten motiboa islatu ahal izango dutelarik euren lanetan.

3.650 egun. Hamar urte. Hamarkada bat. 2015ean ireki zituen ateak Bergarako Laboratorium Museoak, eta urteurren berezia ospatuko du aurten. Horretarako, jarduera bereziz betetako egitaraua antolatu du museoak 2025eko irailaren 26rako. 

Irailaren etorrerarekin batera, Bergarako kaleak jai giroz beteko dira San Martinak ospatzeko. Maite Usabiagak, Bergarako Udalaren izenean, prentsaurrekoan adierazi duenez, “San Martinek lagunekin eta familiarekin gozatzeko aukera ederra eskaintzen digute, eta elkarlanean antolatutako jaiak izanik, eskerrak eman nahi dizkiegu elkarte, eragile eta norbanakoei, zuek barik San Martinak ez liratekeelako posible izango.”

Agorrosingo igerileku handiko estalkia konpontzeko enpresa iraila erdialdean adjudikatuko du Bergarako Udalak, eta irailean zehar jakingo da zehazki lanak zein egunetan hasiko diren. Hala ere, eta jakinda lanok udazken aldera hasiko direla, irailean ez da garbiketa asterik egingo. Halaber, igerilekuko erabiltzaileak dagokien momentuan abisatuko dira.

Horren ondorioz, udako igerilekua zabalik mantenduko da astebete gehiago, irailaren 8tik 14ra. Aste horretan, kanpoko igerilekuaren ordutegia berezia izango da: goizeko 11etatik arratsaldeko 7etara.