Albisteak

Bergarako Udalak herrira iritsi berri diren herritarrei eskutiz bat bidali die ongi etorria eman asmoz antolatu duen harrera ekitaldira gonbidatuz. Ekitaldia otsailaren 15ean, larunbata, eguerdiko 12:00etan ospatuko da udaletxeko pleno aretoan.

Udalak nabarmendu du inoiz baino jatorri eta kultur aniztasun handiagoa dagoela herrian eta aniztasun hau kudeatzea herrian dugun erronka nagusienetariko bat dela. Herri kohesionatu bat eraiki asmotan herrira bizitzera etorri berriei harrera egingo dio udalak eta komunitateko eragile ezberdinak ezagutzeko aukera eskainiko da.

Duela bi urte martxan jarritako Adineko Pertsonen Kontseiluak aurrera darraiela azaldu du Bergarako Udalak, eta horren adibide da otsailaren 13an ospatuko den hurrengo bilera. Izan ere, orain arte egindako lanaren ostean, aurten, azken kontseiluan aukeratu ziren bi gai nagusi landuko dira: bakardadea eta etxebizitza. Horrez gain, beste bi gai ere jorratuko dira: informazioa helarazteko boletin baten beharra eta ekintza bateratuak.

Bergarako Udalak eta Jardun euskara elkarteak elkarrekin sustatzen duten Mintzapraktika egitasmoak euskara praktikatzeko espazio berriak eskaintzen jarraitzen du, herritarrek hizkuntza ohiturak berreskuratu eta euskarazko harreman berriak sortu ditzaten.

Artekale kalean trafikoa moztuta egongo da urtarrilaren 27 eta 28an, kale horretako eraikin batean egingo den obra bat dela eta. Mozketa lanak 08:00etatik 18:00etara egingo dira bi egunetan, eta soilik ordutegi horretan egongo da trafikoa etenik.

Herribus zerbitzuak ere bere ibilbidea moldatuko du trafiko mozketen eraginez. Arruriaga kaleko geltokia Burdiñate kalera lekualdatuko da.

Eragozpenak saihesteko eta trafikoan sor daitezkeen aldaketak kontuan hartzeko gomendioa luzatzen du Udalak.

Bergara eskaladaren zaleen elkargune bilakatuko da datorren otsailaren 2an, Neska Eskalatzaileen I. Topaketarekin. Jardunaldia Labegaraietako rokodromoan izango da, eta bertan, 16 urtetik gorako neska guztiek parte hartzeko aukera izango dute, esperientzia maila edozein izanik.

Egitaraua honako hau izango da:
• 10:00: Elkargunea.
• 10:30: Eskalada jarduera hasiera.
• 13:30: Pikoteoa, partehartzaile guztientzat.

Interesa dutenek izena eman dezakete Agorrosin kiroldegian, rokodromoan bertan edo kartelean agertzen den QR kodearen bidez.

Ostiral gauean jokatu da Danbakaren seigarren edizioko finala, Bergarako Seminarixoan. Oñatiko Malko taldeak Sari Nagusia irabazita, disko bat grabatzeko aukera izango du; halaber, Publikoaren Saria jasota, K-Po bergararrak bideoklip bat grabatu ahalko du; eta 721-Gogor Gabiltza aretxabaletarrek, Danbaka-Ekinez Saria irabazita, Ekinez jaialdian jotzeko aukera izango dute.

Hiru sari

Urte osoko iraupena izango duen ekitaldiz betetako egitaraua osatu da. Bisita gidatuak, erakusketa bereziak, tailerrak, mahai-inguruak, aurkezpenak, hezkuntza eskaintza berria, udako programa, musika, dantza eta hitzaldiak.

3.650 egun. Hamar urte. Hamarkada bat. 2015. urtean zabaldu zituen ateak Bergarako Laboratorium Museoak eta urtemuga berezia beteko du aurten. Urte osoko ospakizuna antolatu da, ekitaldi bereziz osatutako egitarau oparoarekin.

Gaur goizalde eta goizean zehar tenperatu baxuak daude iragarrita. Hori dela eta, Bergarako iturri batzuk moztu egin dira segurtasuna bermatzeko.

Bergarako Udalak urteak daramatza udal bonoen bidez herriko merkataritza eta zerbitzuak indartzen. Ekimen honen helburua tokiko ekonomia sustatzea, bertako negozio txikiei laguntza ematea eta herritarrak kontsumo arduratsu eta jasangarrirantz bideratzea da.

Horretarako, 2024an Udalak 13.400 euro banatu zituen sari eta zerbitzu ordainketetan udal bonotan, eta beste 16.000 euro laguntzetara bideratu zituen. Bono horiek herriko negozio ia guztietan erabiltzeko aukera eskaintzen dute, herriko komertzioetan kontsumoa handituz eta tokiko ekonomia dinamizatuz.

Bergarako Udala 2025-2030 Jarduera Fisikoa eta Kirolaren Plan Estrategikoa gauzatzen ari da, herriko kirolaren etorkizuna zehazteko asmoz. Plan honetan, datozen urteetarako ardatz nagusiak eta ekintza proposamenak jasoko dira, herriko eragile desberdinen ekarpenak ardatz hartuta.

Orain arte, hainbat talde eta erakundek parte hartu dute Plan Estrategikoaren diseinuan: Bergarako Eskola kiroleko koordinatzaileak, kirol elkarteak, elkarte sozialak, Agorrosingo erabiltzaileak, Osasun Zentroko langileak eta Udaleko teknikariak, besteak beste.