Albisteak

Bergarako Udalak jakinarazten du maiatzaren 10ean Gorlako Rally Igoera ospatuko dela, eta horrek eragina izango duela trafikoan herrian.

Aparkaleku eta trafikoaren murrizketak:

·       Aranerreka 2tik gorako aparkalekuak: Aparkaleku horiek libre egon beharko dute, antolatzaileen erabilerarako.

·       Trafiko mozketak: Iriburu kalera ezin izango da kotxez joan 13:30etik 18:30era bitartean.

Bergarako udalerriko zergapekoei jakinarazten dizuegu Kutxazain Automatikoak okupazio tasaren 2025eko erreziboak ordaintzeko epea, lekuak eta medioak ondokoak direla:

Epea:

  2025eko maiatzaren 12tik  2025eko uztailaren 15era

Lekuak eta medioak:

Bergarako udalerriko zergapekoei jakinarazten dizuegu Panteoi-Berja tasaren 2025eko erreziboak ordaintzeko epea, lekuak eta medioak ondokoak direla:

Epea:

Ø  2025eko maiatzaren 12tik  2025eko uztailaren 15era

Lekuak eta medioak:

Negozio txikien digitalizazioaren aldeko apustuari eutsiz, Debagoieneko Mankomunitateak bi jardunaldi praktiko antolatu ditu maiatzean Bergaran, enpresa txikiek tresna digital erabilgarriak eskuratzeko helburuarekin. Jardunaldiak Irizar jauregiko Euskaldun Berria gelan izango dira, 3. solairuan, eta parte hartzeko izen-ematea beharrezkoa da.

Apirilaren 11n Bergarako Udalak egindako zozketaren bidez, 2025eko Pentekoste jaietan herrian postuak jartzeko 22 parte-hartzaile hautatu dira, eta beste 8 pertsona ordezko gisa geratu dira.

Zozketaren aurretik iragarri bezala, guztira 6 metroko luzera duten 22 postu egongo dira erabilgarri: 8 Fraiskozurin eta 14 Matxiategin. Hautatutako eskaerak epe barruan aurkeztutako 83 eskaeraren artean aukeratu dira, eta uko egitekotan, ordezkoen zerrendako hurrengo pertsonek hartuko lukete lekua.

Bergarak maiatzean erroten ondarea eta historia biziberrituko ditu ekitaldi bereziekin. Batetik, Gipuzkoako IV. "Bergarako Errotak" erakusketa maiatzaren 10etik 18ra egongo da ikusgai Aroztegi aretoan, eta horren baitan Gipuzkoako IV. Errotagintza topaketa ospatuko da aurten Bergaran, goizeko 10:00etan hasita. Bestetik, IV. Gipuzkoako Erroten Eguna maiatzaren 18an ospatuko da, Elortza-Bolu errotan egingo den bisita gidatuarekin.

Euskadiko Nekazaritza eta Elikadura Ekologikoaren Kontseiluak (ENEEK-Ekolurra) eta elikadura mahaiak elkarlanean antolatutako erakusketa ibiltaria ikusgai dago maiatzaren 19arte.

Bergarako Udalak 2025eko udarako aisialdi eta kirol jardueren eskaintza zabala aurkeztu du. Helburua da haur eta nerabeei aisialdi hezitzaile eta aktiboa eskaintzea, euskaraz eta lagun artean, udalerriko instalazio ezberdinak eta ingurune naturala baliatuz.

Bergarako Udalak hautaketa prozesua jarri du martxan gizarte langile bat aldi baterako izendatzeko. Prozesua oinarri arautzaile batzuen bidez egituratu da, eta euskararen ezagutza 4. Hizkuntza Eskakizunaren (4.HE) mailan egiaztatzea izango da betekizunetako bat, derrigortasun data gainditua baitauka.

Izendapenak izango duen iraunaldia 2025eko ekainaren hasieratik abenduaren 31ra artekoa izango da, eta %100eko lan-jarduna eskatuko da. Urteko soldata gordina 40.555,26 eurokoa izango da, eta lanegunak zein ordutegia Udalak urtean-urtean ezartzen dituenak izango dira.

Bergarako Udalak bi laguntza-lerro jarri ditu martxan 2025ean herriko ekosistema ekonomikoa sustatzeko: alde batetik, enpresa berriek lokalen alokairurako laguntzak (20.000 euro), eta bestetik, Eragin programa, Bergaran kokatuta dauden edo kokatu nahi duten enpresentzat (30.000 euro). Guztira, 50.000 euroko aurrekontua bideratuko da.