Enviado por Bergarako Udala en Jue, 2024-12-19 11:24
Bergarako Udalak, udalerriko erdiguneko ostalariekin elkarlanean, kontzientziazio zibikoko kanpaina berri bat jarri du abian, kaleak garbiago eta zainduago mantentzeko helburuarekin. Ikuspegi positibo eta konstruktibo batetik, ekimen honen helburua da bezeroek baxera –edalontziak eta platerak bezala– tabernetara itzultzea, kaleetan utzi beharrean.
Enviado por Bergarako Udala en Jue, 2024-12-19 10:58
Bergarako San Pedro kalea ostegun honetan ireki da berriro ibilgailuentzat, eraikinean segurtasun lanak egin ostean. Kalea itxita egon da abenduaren 10ean teilatu batetik harri bat erori zenetik, Udalak segurtasun distantzia handitu eta trafikoa moztu baitzuen.
Udalak eraikineko jabeei segurtasun neurriak ahalik eta azkarren hartzeko eskatu die. Lan horiek amaituta, kalea berriro zabalduko da ostegun honetan, ibilgailuen eta oinezkoen joan-etorriak normaltasunez berrezarriz.
Enviado por Bergarako Udala en Mar, 2024-12-17 13:40
Energiaren garestitzeak eta larrialdi klimatikoaren erronkek azken urteetan eragin nabarmena izan dute gizartean. Horri erantzuteko, Bergarako Udalak eta Berener herri kooperatibak lankidetza marko bat ezartzeko urratsak egin dituzte, energia burujabetzaren eta trantsizio ekosozialaren bidean. Horren adibide da astelehen honetan ospatutako osoko bilkuran onartutako adierazpena.
