RSS jarioa

Kirol Zerbitzuko Ohorezko Abonatu Txartela sarien izen ematea ireki du Bergarako Udalak

Enviado por en Lun, 2024-12-16 10:53

Bergarako Udalak jakinarazi du 2024an ere banatuko direla Ohorezko Abonatu Txartela sariak, herriko kirolaren alde egin duten edo egiten ari diren pertsonak aitortzeko. Sari hauen bidez, kirol arloan egindako lana, konpromisoa eta lortutako emaitzak eskertu nahi dira.

  • Partekatu:

Egunotan banatuko du Bergarako Udalak 2025erako udal egutegi berria

Enviado por en Jue, 2024-12-12 11:50

Aurten ere, Bergarako Udalak herritarren argazkiekin osatutako egutegia argitaratu du, eta egunotan hasiko dira banatzen.

Banaketa etxe guztietara egingo da, eta herritarrei eskatzen zaie banatzaileei ataria zabaltzea, kanpoan utzi beharrik ez izateko. Egutegiak, ahal denean, buzoietan sartuko dira eta, hala egin ezin den kasuetan, atarian utziko dira multzoan. Horregatik, bizilagunei eskatzen zaie bakoitzak bakarra hartzeko.

  • Partekatu:

Debagoieneko garraio publikoa hobetzeko aukera gal ez dezala eskatu diote eskualdeko Udalek Aldundiari

Enviado por en Mar, 2024-12-10 10:00

Bergarako alkate Gorka Artolak, Debagoieneko gainontzeko alkateekin batera, dei egin dio Gipuzkoako Aldundiari autobus zerbitzuaren emakida berria lantzeko aukera galtzen ez uzteko. Azken urteetan jasotako kexa eta eskaerak ikusita, eskualdeko alkateek ondorioztatu dute garraio publikoak ez diela behar bezala erantzuten herritarren mugikortasun-premiei. Egoera horren aurrean, Debagoieneko alkateek elkarlanerako prestutasuna erakutsi dute, eskualdearen mugikortasun publikoa nabarmen hobetzeko helburuarekin.

  • Partekatu:

Pentekoste Pazkuetako egitarau zaharrak ikusgai jarri ditu Bergarako Udal Artxiboak

Enviado por en Lun, 2024-12-09 09:40

Udal Artxiboan paperean dauden Pazkuetako hainbat programa digitalizatu dira, eta dagoeneko eskuragarri daude Udal Artxiboko web orrrian; Materiale historikoa atalean, "Bergara 1936ko gerratik aurrera" aldian.

Hemen ikus ditzakezu: https://www.bergarakoartxiboa.eus/eu/node/529693

  • Partekatu:

Bergarako komertzioetarako Gabonetako Erakusleihoen Jokoa aurkeztu dute

Enviado por en Jue, 2024-12-05 17:00

Bedelkar merkatarien elkarteak, Beart arte elkartearekin eta Bergarako Udalarekin elkarlanean, Gabonetarako Erakusleihoen Joko berria jarri du abian, ostegun honetan prentsaurreko bitartez aurkeztu ostean.

Ekimen honen bidez, azken urteetako lehiaketetan partaidetzaren beherakadari aurre egin nahi zaio. Helburu nagusia sormena eta komunitatearen parte hartzea bultzatzea da, merkataritza giroan dinamismo berria txertatuz.

  • Partekatu:

‘Marco’ filmeko Aitor Arregi zuzendariak solasaldia eskainiko Seminarixoan du igande honetan

Enviado por en Jue, 2024-12-05 13:58

Asteburu honetan ‘Marco’ filmea eskainiko da Bergarako Seminarixoan. Hala ere, igandean, gonbidatu berezi bat izango da Seminarixoan, izan ere, filmaren ostean, Aitor Arregi pelikularen zuzendariak solasaldia eskainiko du bertan.

Aitor Arregi eta Jon Garaño zuzendariek zuzendutako film honek arrakasta handia izan du, eta horren adibide dira 2024ean Veneziako festibal entzutetsuan Film Onenari jasotako saria edota 2024eko Forqué Sarietan Eduard Fernandezek jasotako Interpretaziorik Onenari saria.

  • Partekatu:

Iberdrolak argindarra moztuko du ostiral gauean Ibargarai eta Harrizuri inguruan

Enviado por en Jue, 2024-12-05 09:49

Bergarako herritarrei jakinarazten zaie, azpiegitura elektrikoko lanengatik, argindar hornidura eten egingo dela 2024ko abenduaren 6an, ostirala, 00:05etik 07:00etara bitartean, honako helbide hauetan:

• Ibargarai Hiribidea, 39 (Torrekuako argiteri publikoko koadroa): Etenak eragin zuzena izango du Torrekuako autobus geltokiko gunean, Barianteko semaforoan eta bidegorriko tunelean, hauek argirik gabe geratuko baitira.
• Harrizuri kalea (Harrizuriko argiteri publikoko koadroa): Horniduraren eteteak Harrizuri eta Espoloi ingurua argirik gabe utziko ditu.

  • Partekatu:

Páginas