Hirigintza

113. artikulua.- Lur gaineko Urak Babesteko Lurzoru Urbanizaezina:

EAEko Ibaien eta Erreken Ertzak Antolatzeko Lurraldearen Arloko Planean (Isurialde Kantauriarrean. Gipuzkoan) mugarritzen dira hemen sartzen diren lursailak.

112. artikulua.- Erabilera zehatzeko helbururik gabeko lurzoru urbanizaezina

Kategoria honetan sartzen dira balio gutxieneko larreak eta sastrakadiak, eta kalitate zein ekoizpen murritza duten lurzoruetako nekazaritza-guneak. Horretaz gain, ekologia, paisaia edo zientzia zein kultura aldetik ere, ez dute aipatzeko moduko baliorik. Bergaran, ez da mugarritu kategoria horretako gunerik.

111. artikulua.- Mendi-larretarako lurzoru urbanizaezina

Kategoria honetan sartzen dira mendigoietako abeltzaintzarako lursailak.

Nekazaritza eta Basoak Antolatzeko Lurraldearen Arloko Planak ez du mugarritu Bergaran kategoria honetako gunerik.

109. artikulua.- Nekazaritza, Abeltzaintza eta Landazabaleko jardueretarako lurzoru urbanizaezina.

Kategoria honetan daude nekazaritza-erabilerarako ahalmen handiena duten lursailak, baserri guztiak kokatzen direnekoak.

Nekazaritza, abeltzaintza eta basotarako erabilerak batera gauzatzen dira, eta txandaka ere garatu daitezke faktore batzuen arabera.

107. artikulua.- Basoko lurzoru urbanizaezineko kategoria:

Kategoria honetan sartzen dira, gaurko erabilera eta etorkizuneko aurreikuspenak kontuan hartuta, basotarako joera garbia antzematen zaien lursailak.

Hortik kanpo gelditzen dira beheko aldeetan eta landazabalean dauden eta horien parte diren baso-esparruak; izan ere, baso horiek nekazaritza- zein abeltzaintza-erabilerekin bateratu, ordezkatu edo txandakatu daitezke.

Era berean, kanpo gelditzen dira Ordenantza hauetako 103. artikuluan aipatzen diren interes naturalistikoko basoak ere.

105. artikulua.- Ingurumen-hobekuntzaren beharra duten eremuen zerrenda:

Lurraldearen Zatiko Planak, LURRALDEAREN KATEGORIZAZIOA atalean, hauek jasotzen ditu Bergarako lurretan Hobetzeko eta Leheneratzeko Eremu gisa: zabortegitarako erabiltzeagatik ingurune fisikoaren hasierako egoera aldatua duten eremuak.

Eremu horien artean, honakoak daude:

• Labegaraietako zabortegi-eremua.

• Epeleko zabortegi-eremua.

103. artikulua.- Interes naturalistikoko eremuen zerrenda:

101. artikulua.- Aplikatzeko araubidea:

Euskadiko Autonomia Erkidegoko Lurralde-Antolamenduaren Gidalerroek lurzoru urbanizaezinerako antolamendu-kategoria batzuk ezartzen dituzte, eta kategoria horiek Lurraldearen Arloko Planen bitartez zein Udal Antolamenduko Planen bitartez zehaztu beharko dira.

Euskadiko Autonomia Erkidegoko Nekazaritza eta Basoak Antolatzeko Lurraldearen Arloko Plana behin-behinekoz baino ez dago onartuta; beraz, hori aplikatzea ez da loteslea.

99. artikulua.- Aplikatzeko araubidea:

Ordenantza hauek aplikatuko dira Plan Orokor honen arabera Komunitate-Ekipamenduen Sistema Orokorretarako den lurzoruan eta eraikinetan; ekipamenduok Ordenantzetako 15. artikuluko F puntuan sistematizatu dira.

100. artikulua.- Jarduteko baldintza orokorrak:

Lehendik dauden eta aurreikusten diren Sistema Orokorrak ezartzerakoan bete behar diren baldintza orokorrak sistema horien eremuei dagozkien Hirigintza-Fitxetan zehazten dira.