Hirigintza

Udalerrien eginkizuna (50. artikulua):

LZP planak lortu nahi duen hiri bateratuaren kontzeptua abiapuntu izanik, plan horretan Bergarako udalerria “Burutza” deitzen duenaren baitan kokatzen da.

Birsortu beharreko eremuak (51. artikulua):

LZP planak hirigune finkatuetan hiri arloko birsorkuntza-mota bi ezarri ditu: birgaikuntza (horretan, Bergarako Hirigune Historikoa sartzen du), eta hiri-eraldaketa (Bergaran, Algodonera-San Antonio eremua zehaztu du).

Kultur sarea (39. artikulua):

LZP planak, kultur arloko esku-hartze estrategiko gisa, Bergaran honakoa finkatzen du: Bergarako Errege-Mintegiko Zientzia-Museoa berreskuratzea. Plan Orokorrak hainbat kokapen proposatzen ditu.

Lurraldearen Zatiko Planak 3. KAPITULUAN eta 2A-2B planoetan jasotzen ditu udalerrietako plangintza orokorrean kontuan hartu behar diren komunikazioen eta zerbitzu-sareen azpiegiturak. Hona hemen Bergararako zehaztu direnak:

Garraio-azpiegitura (26. artikulua):

Lurraldearen Zatiko Planak honako eremu logistikoak egokitzea proposatzen du: trenbide garraiorako eremu logistiko bat Elorregin, eta errepide-garraiorako beste eremu bat Elkoromuño-Ipiñarrin.

LZP planak 1. planoan eta 3. planoko erreferentzia batzuetan honako natura-intereseko eremu hauek jasotzen ditu Bergararako:

Lurralde-ereduaren osagaiak (7. artikulua):

LZP planak, erabilerak eta jarduerak sistematizatzeko, lurralde-ereduaren osagai bakoitzari dagozkion eremuak hartzen ditu kontuan. Plan Orokorraren erantzuna hauxe da:

Arrasate-Bergarako (Debagoieneko) Lurraldearen Zatiko Planak, 5. artikuluko 2. puntuan, LZP plana interpretatzeko honako irizpide hauek jasotzen ditu:

“5 eta 6 zenbakietako “Planoak” eta “Antolamendu Arauak” dokumentuak arauzkoak eta lotesleak dira. Haatik, jardunen kokapen fisikoa erreferentziazkoa baino ez da –udalplangintzak edo sektoreko plangintzak ezarriko du zehatz-mehatz proposamen bakoitzaren kokapena–. [...] Planaren gainerako dokumentuak orientatzaileak eta osagarriak izango dira, oso baliagarriak lurraldearen zatiko planaren osotasuna egoki ulertzeko.”

Bergaran nekazaritza- eta basogintza-erabilerak antolatzeko, hainbat dokumentuk ezarrita dauzkaten kategoriak erabili dira. Hona hemen dokumentu horiek: Lurralde-Antolamenduaren Artezpideak (LAA/DOT), Debagoieneko Eremu Funtzionalari buruzko Lurraldearen Zatiko Plana, eta EAEko Nekazaritza eta Basoak Antolatzeko Lurraldearen Arloko Plana —nahiz eta azken honek behin betiko onarpenik ez izan oraindik—. Era berean, Bergarako Ingurumen-Inpaktuaren Ebaluazio Bateratuaren Azterketan zehaztu ziren kategoriak eta gainjarritako baldintzatzaileak ere jaso dira.

Indarreko Arau Subsidiarioek bi erreserba mugarritu zituzten berariaz komunitate- edo dotazio-ekipamendu berriak kokatzeko: bat, A-20 arean, kultura-ekipamenduak, ikuskizunetarako aretoa eta autobus-geltokia izateko; eta bestea, S-4 sektorean, Candy Hoover Electrodomésticos S.A. industriatik iparraldera.

1. S-1 sektorea, Kukubaso-Ipiñarri: Ola auzunean dago. Sektore handia da. Bertan, honako lursailak sartzen dira: batetik, gaur egungo Ipiñarri S.L. zerrategiko lursailak, eta bestetik, Eibar-Gasteiz autobidea zein Bergarako Ekialdeko Saihesbidea eraikitzerakoan zabortegi moduan erabili dituzten lursailetatik batzuk.
2. S-2 sektorea, Larramendi: San Juan aldean dago. Larramendi aldean sortu berri den sektore handia da. Sektorea garatzeko hainbat plangintza-dokumentu onartuta ditu. Urbanizazio-lanak egiten ari dira.

1) A-1 eta A-2 areak: Udalerriko hegoaldean daude, Ola, Biltoki eta Oxigenos aldean.

2) A-3 area: Aceralia Perfiles Bergara S.A. industriak betetzen du berez.

3) A-5 area: Candy Hoover Electrodomésticos S.A. eta Irizar Zerrategia industriek betetzen duten area da.

4) A-13, A-14 eta A-15 areak: Arregi aroztegiko industria-kokapena eta Urteaga kalearen bukaeran dauden industriak hartzen dituzte.