Euskadiko Autonomia Erkidegoko Lurralde-Antolamenduaren Gidalerroek lurzoru urbanizaezinerako antolamendu-kategoria batzuk ezartzen dituzte, eta kategoria horiek Lurraldearen Arloko Planen bitartez zein Udal Antolamenduko Planen bitartez zehaztu beharko dira.
Euskadiko Autonomia Erkidegoko Nekazaritza eta Basoak Antolatzeko Lurraldearen Arloko Plana behin-behinekoz baino ez dago onartuta; beraz, hori aplikatzea ez da loteslea.
Ordenantza hauek aplikatuko dira Plan Orokor honen arabera Komunitate-Ekipamenduen Sistema Orokorretarako den lurzoruan eta eraikinetan; ekipamenduok Ordenantzetako 15. artikuluko F puntuan sistematizatu dira.
Lehendik dauden eta aurreikusten diren Sistema Orokorrak ezartzerakoan bete behar diren baldintza orokorrak sistema horien eremuei dagozkien Hirigintza-Fitxetan zehazten dira.
Kapitulu honetan zehazten diren ordenantzak eta baldintzak Plan Orokor honen arabera jarduera ekonomikoak jartzeko den lurzoruan eta eraikinetan aplikatuko dira. Derrigorrez bete beharko dira oin berriko instalazioetan edo lehendik daudenak berritzerakoan.
Honako baldintza hauek garaje-erabilera baimenduta duten lokaletan aplikatuko dira, baldin eta bizitegi-erabilera duten partzelatan kokatzen badira, nahiz eraikin berriak izan, nahiz lehendik zeudenak izan; eta aplikatu egingo dira, era berean, Komunikazioen Sistema Orokorretarako aurreikusitako erabileren barruan, bertako garajeetan.
Kasu guztietarako honako hau ulertzen da garaje-erabileratzat: ibilgailuak gune edo lokal itxi eta estalietan gordetzea, lokalak publikoak nahiz pribatuak izanda.
Hirigune Historikoko arearako Babes- eta Zaintza-Plan Berezia onartzen ez den bitartean, 96/2003 Dekretuko III. ERANSKINeko 8. artikuluan ezarritakoa aplikatuko da. 96/2003 Dekretua apirilaren 29koa da eta horren bidez Bergarako Hirigune Historikoa “Kultur Ondasun” kalifikatu zen, “Monumentu Multzo” kategoriarekin. III. eranskin hori oso-osorik jaso da Hirigune Historikoko areari dagokion Hirigintza-Fitxan.
Baldintza estetiko hauek aplikatu egin beharko dira bizitegi-gune eraiki berrietan dauden eta bizitegi-erabilera nagusia duten eraikin guzti-guztietan, eta horretaz gain, baita lehendik dauden eraikinetan ere baldin eta egokitze- edo birgaitze-lanak egiten badira baldintza hauek eragiten dituzten elementuetan.
Halaber, bizitegi-erabilera nagusia ez duten beste gune batzuetan bizitegi-eraikinak kokatu ahal badira, horietan ere aplikatu beharko dira.
Zerbitzuak hartzerakoan errespetatu behar diren baldintza hauek aplikatu egin beharko dira bizitegi-gune eraiki berrietan dauden eta bizitegi-erabilera nagusia duten eraikin guzti-guztietan, eta horretaz gain, lehendik dauden eraikinetan ere errespetatu beharko dira baldin eta baldintzek eragindako elementuetan egokitze- edo birgaitze-lanak egiten badira.
Halaber, bizitegi-erabilera nagusia ez duten beste gune batzuetan bizitegi-eraikinak kokatu ahal badira, horietan ere aplikatu beharko dira.
Segurtasun-baldintza hauek aplikatu egin beharko dira bizitegi-gune eraiki berrietan dauden eta bizitegi-erabilera nagusia duten eraikin guzti-guztietan, eta horretaz gain, lehendik dauden eraikinetan ere errespetatu beharko dira baldin eta baldintzek eragindako elementuetan egokitze- edo birgaitze-lanak egiten badira.
Halaber, bizitegi-erabilera nagusia ez duten beste gune batzuetan bizitegi-eraikinak kokatu ahal badira, horietan ere aplikatu beharko dira.
Bizigarritasun-baldintza hauek aplikatu egin beharko dira bizitegi-gune eraiki berrietan dauden eta bizitegi-erabilera nagusia duten eraikin guzti-guztietan, eta horretaz gain, lehendik dauden eraikinetan ere errespetatu beharko dira baldin eta baldintzek eragindako elementuetan egokitze- edo birgaitze-lanak egiten badira.
Halaber, bizitegi-erabilera nagusia ez duten beste gune batzuetan bizitegi-eraikinak kokatu ahal badira, horietan ere aplikatu beharko dira.
Bizitegi-eraikin berrietarako, lerrokadurak zehaztuko dira areen Hirigintza-Fitxetan —jarduketa zuzenaren bidez eraiki behar diren eraikinetarako— eta antolamendu xehatuko plangintza-dokumentuetan.
Eraikinen bat ordezkatzerakoan, ez bada lerrokadura zehatzik ezarri, ordezkatu den eraikinarenak mantentzen direla ulertuko da.
