Bizitegi-guneen erabilera nagusia etxebizitzakoa da. Gune horietan beste erabileretarako eraikuntzak ere onartzen dira, Area eta Sektore bakoitzeko Hirigintza-Fitxetan zehazten den moduan.
Etxebizitza-erabilerako eraikinen barruan ere onartuko dira horrekin bateragarri diren beste erabilera batzuk, beti Plan Orokor honek, Hirigintza-Fitxek eta Ordenantzek ezartzen dituzten mugen barruan.
Ondoren definituko diren hirigintza-parametroak Bergarako udalerri osoan aplikatu beharko dira.
a)Partzela: Lursail-zati bat da, onibar-unitate gisa mugarritu eta erregistratu dena. mIzan daiteke:
Plan Orokorraren garapenaren ondorioz, lurzorua honela sailkatuko da jabariaren arabera:
Lurzoruaren kalifikazioa da plangintzaren bidez erabilera orokorrak eta erabilera xehatuak esleitzea udal-lurraldea banatzen den gune eta eremu bakoitzari.
Plan Orokor honen garapena Lurzoru eta Hirigintzaren Legeak 59. artikuluan zehazten dituen antolamendu xehatuko planen bitartez egingo da.
Hirigintza-Fitxetan, Kudeaketa-baldintzak puntuan zehazten da plan xehaturen bat bideratu behar den ala ez, hiri-lurzoru eta lurzoru urbanizagarri gisa sailkatutako eremuak garatu ahal izateko.
Egitura orokor eta organikoa hirigintza-garapena zehazten duten elementuek osatzen dute, eta horiek oinarrian Sistema Orokorrak dira.
Erabilera orokorren banaketak edo gunebanatzeak ere baldintzatzen du geroko ordenazioa.
Sistema Orokorrak dira, lurzoru urbanoan, urbanizagarrian zein urbanizaezinean, interes publikoaren zerbitzurako gordetzen diren lurralde-eremuak. Honakoak izan daitezke: komunikazioak, ibilgu publikoak, espazio libreak, komunitate-ekipamenduak eta azpiegiturak eta zerbitzuak.
Babestu beharreko guneak mugarritzeko orduan, honako erreferentzia-dokumentuak hartu dira: Arrasate-Bergarako (Debagoieneko) Lurraldearen Zatiko Plana (behin betiko onartuta dago), Euskadiko Autonomia Erkidegoko —Isurialde Kantauriarreko— Ibaien eta Erreken Ertzak antolatzeko Lurraldearen Arloko Plana (behin betiko onartuta dago), eta Euskadiko Autonomia Erkidegoko Nekazaritza eta Basoak antolatzeko Lurraldearen Arloko Plana (gaur egun, hasierako onarpena du).
Lurzoru eta Hirigintzari buruzko ekainaren 30eko 2/2006 Legeak, 80. artikuluan, babes publikoko araubideren baten menpeko etxebizitzen estandarrak eta gutxieneko kopuruak zehazten ditu.
